Demokrasya kuno, pero pilitay man gali ang gusto

Pasensya sa post nga ini. Pobre espirito abi ako. Indi ako maalam pareho da sang iban. Amo gani, natingala lang ako sa nagakatabo sa aton pungsod subong.

Hambal sang iban demokrasya kita. Apang, nanamian sila ya sang ila maestro sang una nga nagpamangkot ukon naghambal sini:

If I insert my finger in your v——-a, what would you feel?

If you were V—- Mary, would it be unfair to suffer the pain of giving birth and not to enjoy the act of having s—-?

What did you do last night? Nothing sir! Oh, did you not m——-e?

Kadamo pa sang iya pamangkot nga parte sa sex. Ang exam wala man rubric. Kag sabtan mo ini halin sa pagtunod sang adlaw tubtub sa kaagahon. Amo ini ang ila idolo. Ambot kung ngaa pero gusto nila demokrasya.

May ara man nga nagapangapabay sa mga mamalidha nga nagsuporta sa Anti-Terrorism Bill. Pero, bag-o sina, gintawag nila sila nga mango jam, wala gabasa, wala utok, wala panindugan, shame. Ay. Ginyubit mo na ang tawo kag ginpasipalahan, tapos maekspertar ka nga sapakon ka nila? Bilib ko.

May nakita man ako nga nagpost sang “kung naghipos ikaw, ginasuportahan mo ang malain. Dapat magtindog ka kag magreklamo!” Hmmm. Wow. Demokrasya gusto mo pero ginasinggitan mo ko? Ano ini pilitay? Daw sa piho ka.

May nabatian pa gid ako. Nakibot ako gani. Daw magwa gid sya sa panit ya kay ipasar na ang layi kontra sa terorismo. Pero, ang kabuhi sang iban nga tawo ang ginapamahaw, ginapanyaga, ginapanyapon ya sa bilog nga adlaw. Indi pa ina sya kuntento sa 3meals per day, may midnight snacks pa. Batas.

Isa pa gid. May ara man ako ya nakilala nga daw mapatay maprotesta sa hagna nga ini. Kay man kuno human rights advocate sya. Pero kung mangyam-id kag manghikay sa maitom, putot, imol, dapa ang ilong, binayaan, kag sa taga-uma, wala punaw kag sundol pa sa langit. Kululbaan.

Ano ang demokrasya kung kadamo sang indi kabalo maglinya. Ang iban gani madutdot kag masal-ot pa. Anhun mo ini kung pilitay gali. Pwede gali mabawi ang boto pagkatapos boto? Kay gusto ta? Ano na lang kita sini? Kabay mag-ulan para makamarasmas kita.

[As posted by Renz Trance on Facebook]

Leave a Reply